Yn pynshongshit ka Fire House ha Jowai

Shillong, 26 Risaw:
Ha ka 21 tarik u Nohprah ka kynhun tem na USa ka Fire House kan wan ban pynshongshit ha sor Jowai ha ka 21 tarik u nohprah, 2015 bad katei ka tamasa tem put kan sdang naduh ka por 5 baje janmiet ha ka madan phutbol jong ka shnong Panaliar ,Jowai.
Ka Dorbar Shnong Panaliar Jowai ka la pynbna paidbah ba ka la pyllait paidbah ia ka tiket ia ki paidbah ki ban wan sha katei ka jaka pyn shongshit ka Fire House. Ha ka jingiadei bad kane ka Dorbar Shnong  ka khot bad wer ia baroh ki riew ieit jingrwai khamtam ia ki jingrwai jong ka kynhun u Firehouse. Ka Dorbar shnong Panaliar ka pyntip ruh ba ia ki tiket ruh kan die katkum ka jingngiam jong ka madan .
Kum ban shu pynkynmaw ba kane ka dei ka sien kaba nyngkong eh ha ka khana pateng jong ka Ri Lum Janitia ba ki kynhun nongrwai na bar Ri ki ba long ruh kiba pawnam kin wan ban iuh kjat ha kane ka nongbah Jowai. Ia ki tiket lah ban ioh na Shillong, Jowai, Khliehriat bad ha ophis ka Dorbar Shnong Panaliar. Ka dor jong ki tiket ka long T. 700 tyngka ha madan bad T. 2000 tyngka ha Gallery. Kane ka long katkum khubor ba la pyllait da u bah C.Phawa General Secretary Dorbar Shnong Panaliar Jowai.