Wan iasaid thma u heh AICC ka sorkar ba khang tih shyiap

Shillong, 26 Risaw:
U General secretary ka AICC u V Naraya nasamyla ong ba ka jingkhang tih maw tih shyiap ka Kashari Megha laya High Court ka la ktah jur ia ki briew jong ka jylla khamtam ki Khasi bad Jaintia Hills.
“Ym don ba ujor dorkhas ha ka Kashari ban khang tih maw tih shyiap hynrei sngewsih ba ka dei ka hukum jong ka Kashari kaba pynmih kaba ktah pat ia ka kamai kajih jong kim paidbah ka jylla. Ka sorkar ka la shim ia ki lad ki lynti khnang ban iada ia ki paidbah na ka jingshah khang lad ha ka kamai jongki bad ka sorkar ka dei ban ai jingshai jingtip sha ki paidbah ia kaei ka kam ba kan leh. Ka sorkar kan ujor ia kane ka hukum ka Kashari bad lada ka High Court kam sngap, ngin ujor sha ka Supreme Court “ la ong u Narayanswamy.
U la ong ba bun bah ki mat kiba ktah ia ka jylla bad kawei ka dei ka jingkhang tih dewiong ka NGT kaba dei kawei ka mat kaba jur bha ha kaba ki briew ki la shah ktah bha ha ka jylla.
U la ong ba ka sorkar ka la phah ia u Advocate General ban leit iasaid ia kane ka kam sha ka NGT ha kaba ka sorkar kan thaw skhim ban iarap ia ki briew ban iada ia ka mariang.
“Ka seng ki nongtih dewiong ki la iatreilang bad ka sorkar ban weng noh ia ka jingkhang ka NGT ia ka jingtih dewiong. Kane ka dei ka kam kaba khia bha bad ka la don ka jingong ba ka sorkar kam shym la leh eiei hynrei sngewsih ba ka don ka jingiaphah khubor kaba bakla hapdeng ka sorkar bad ki paidbah ka jylla namar ba kaei kaei kaba ka sorkar ka la leh kam poi sha ki paidbah”, u la ong.
U la ong ha ka jingiakren, la ban jur ba ka sorkar jylla ka dei ban ai jingtip sha ki paidbah da ka jingthoh shaphang ki lad ki lynti ba ka la shim ban weng ia ka jingkhang tih dewiong ka NGT.