Kyrshan u nongialam Congress, ba pynlong jingiakhih ka VPP

Shillong:U nongialam ka liang pyrshah ha iingdor bar thawain ka jylla u bah Ronnie nongaiktien ka Meghalaya Pradesh Congress Committee (MDCC), u bah Ronnie V Lyngdoh uba dei ruh u MLA ka Mylliem Konstitwensi, mynta ka sngi u la ong ba ka party hi kan ai ka jingkyrshan ha kaba ïadei bad ka jingïakhih ka Voice of the People’s Party (VPP) ban thungkam biang ia 3 ngut ki ophisar ka Lokayukta, kiba la shah wengkam noh dangshen.

Haba kren sha ki lad pathai khubor ha ka nohphai sngi ka 19 tarik Kyllalyngkot 2024, u bah Ronnie u la ong, ba lada don kano kano ka mat kaba ktah ïa ka jylla, ka Party kan ai beit ka jingkyrshan.
U bah Ronnie u la ong ruh, ba ia ka Lokayukta la wanrah da ka sorkar Congress naduh mynshwa, na ka bynta ban wanrah iaka rukom treikam kaba khuid ha ki tnad sorkar.

Ka party kan wad ia ki daw, ba balei ka sorkar ka wengkam noh ia ki 3 ngut ki ophisar ba la thung ha ka Lokayukta.