Pyrshah ai tiket HSPDP, ia u bah LG Nongsiej, ba dei u dkhot ka BJP

Shillong, 25 Risaw:
U President ka seng HSPDP na Byrki Unit u bah Ismelroy Kharbani u la ujor sha u President ka HSPDP Central Body pyrshah ia u MDC ka HSPDP na Nongstoiñ bah LG Nong siej. Katei ka jingujor ka dei ban pyrshah ba ka seng HSPDP kam dei ban ai tiket sha u bah L.G Nongsiej na ki daw ba la bna paidbah ba u dei u dkhot jong ka seng BJP. Katkum ka jingujor kaba utei u nongialam ka HSPDP u la ai jingtip sha ki lad khubor ka la ong ba la shem ba ka jingrung dkhot u bah L.G Nongsiej bad ka seng BJP ka long kaba shisha namar ba ka kyrteng jong u ka la paw ha ka thup kyrteng ki dkhot ka BJP ba la pynmih da ka ophis jong ka katkum ka No.226/MB.946108214 bad u nombar jinglong dkhot jong u ka dei 1066222868 bad ka Adress la ai Goodleaderson Nongsiej c/o Tbn L. Snaitang Upper New Nongstoin. Utei u nongialam ka seng HSPDP u la kynnoh ba u bah LG u la rung dkhot da kaba ia kren da ka mobile phone bad da kaba phah Message. Katkum ka shithi ba la phah sha u President Rangbah ka seng HSPDP la pyni ruh ia ka thup kyrteng ba u bah L.G nongsiej u la don ha ka thup ka BJP bad u don ha ka nombar ba 226.