Kwah ka sorkar India, ban nym ithuh ia ki Kuki kum ki Scheduled Tribe

Imphal:Ka sorkar pdeng ka la buh jingkylli ia ka sorkar jylla jong ka Manipur ba kin pynshong nongrim bha ba kin weng noh ia ki kynhun jaitbynriew Kuki bad ki Zomi na ka thup ban ïthuh ia ki kum ki Schedule Tribe.

Ka sorkar pdeng ka la buh ia kine ki jingkyrpad ia ka sorkar Manipur hadien ba ki nongmihkhmat na Republican Party of India-Athawale (RPI-A), u Maheshwar Thounaojam.
U nongialam jong ka RPI, u la kam ba ki kynhun jaitbynriew Kuki bad Zomi kim dei satia ki nong shong shnong ba pura jong ka India, hynrei ki dei ki poiwir kiba la shu wan sah shipor bad ka long beain ruh ban ai jingithu ia ki kum ki Schedule Tribe.

U Thounaojam u la thoh sha u Myntri ka tnad Tribal Affair jong ka sorkar pdeng u Arjun Munda, ha ka 11 tarik Nohprah jong u snem ba la dep ha kaba u la ong ba ka jingithu ia ki kynhun jaitbynriew ban ioh Schedule Tribe dei ban long kiba shong ba sah bad don ha katei ka jaka.
U la buh jingkyrpad ruh ba ka sorkar pdeng ka dei ban shimkhia mano kita kiba dei hok ban ioh jingithuh kum ki Schedule Tribe jong ka jylla Manipur, dei ruh ban kynthup ia ki Meitei.

Haba iadei bad kane, ka sorkar pdeng ka la phah ia ki nongmihkhmat sha jylla Manipur ba ka jingmynjur jong ka jylla, ka long ban pyniaid ia ka mukotduma.
Ka kynhun jong ki jaitbynriew Meitei, kaba la tip kum ka World Meitei Council, ka la kam ba ki kynhun jaitbynriew Kuki-Chin ki dei ki ba wan buhai shnong na ri Myanmar.

La ai lad ia kine ki kynhun jaitbynriew ban shong ban sah ha jylla Manipur, dei lyngba ka jing sngew para briew bad ka settlement policy ban ailad ia ki poiwir ba kin shong kin sah.
Hynrei hadien ba ki la iohlad ban shong ban sah ha jylla Manipur, ki long pynban ki ba thaw jingkulmar ha kaba ki la dawa iala ka jylla Lajong kaba ki khot kum ka Zelangam.

Ka kynhun jaitbynriew Meitei kaba don ha jylla Manipur, kaba kham bun paid ha ki thaiñ shatei lammihngi, ka la dawa ban ioh lem ia ka jingithu kum ki Schedule Tribe.
Kumba 200 ngut ki briew ki la iap naduh ba ka thma ia pher jaitbynriew ka la mih hapdeng ki meitei bad ki kuki bad kumba 60,000 ngut ki briew ki la phetwir na la ki ïing ki sem ki jong ki.