Ba shah pom u Waheh Shnong, da u sdie, pynrem jur ka FKJGP

Khliehriat: Ka seng FKJGP-Khliehriat Circle ka pynrem jur ia u Train Phawa, halor ka jingshoh bad pynmynsaw ia ki arngut ki nongialam Shnong ka Shnong Tuber Kmai Shnong East Jaintia, haduh banda poi Hospital bad shah suh haduh 5ksai. Kitei kiba shah pom da u sdie ha ka miet 3tarik Kyllalyngkot, ki dei u Micky Lyngdoh uba dei u Waheh Shnong ka Shnong Tuber bad sa uwei uba kyrteng u Denis Lyngdoh uba bat ia ka kam Secretary IVCS bad ha kajuh ka por u dei ruh u Chairman ka Seinraij Tuber Kmai Shnong.

Katei ka jingjia ka dei tang namar ba ha katei ka miet, ha ka por 11:30, ka don ka jing ia huri hura hapoh Shnong hapoh thaw ha kaba kitei ki nongialam shnong ki ioh jingtip ia katei ka jing ia huri hura. Kitei ki nongialam shnong, da ka jingthmu ban leit tem ia katei ka huri hura, hynrei ynda ki la wan ki shah pom pynbam da u sdie ha u Train Phawa. Ka seng ka sngewkhia ba ha kine ki sngi ki briew kim burom shuh wat ia ki nongialam Shnong ruh haba iadei bad katei ka jingjia ladep buh da ka ejahar, da u para jong u Waheh Shnong u Chelang Lyngdoh bad la iathuh, ba u Train Phawa ula dep ioh ia ka Interim bail ka ban kut haduh ka 12tarik Kyllalyngkot 2024.

Na ka liang jong ka seng ka kyrpad jur ia u Public prosecutor uba na ka liang ki nongujor ban pynkhlain ka jingiakhun hapoh Kashari khnang ba hadien ka 12/01, u tei uba shah kynnoh um dei shuh ban lait na kti ka Ain bad ha kajuh ka por ki Pulit kim dei ban ailad ia kum kitei ki briew ban ioh interim bail biang, namar ba lada ailad kan long kum ka jing pynshlur ia kiwei pat ban leh kam sniew. pynkut ka kyrwoh na ka Seng FKJGP .