Shah ban ka longkmie, ha ka trok, khlad ha shen

Nongpoh: Kawei ka longkmie ba dang 37 snem ka rta bad kaba la tip kyrteng kum ka Kong Cleris Nongsiej, ka la khlad noh hashen bad kata ka dei hadien ba kawei ka trok ba kit ia ki kynja nar pipe, ka la kylla ha kawei ka jaka haba surokbah NH-6 bad kaba hap hapoh ka shnong Umtrew ha Ri Bhoi.

Katei ka jingjia ka la jia hynne ka sngi ha ka por 4 baje eiei janmiet, ha kaba katei ka trok kaba mih na Guwahati da kaba thmu ban kiew shaneng, hynrei haba la poi ha katei ka jaka, ki bynta ba kit mar jong katei ka trok, ka la kylla bad kiba la leit ban ia katei ka longkmie, kaba la pynlong ruh ia katei ka longkmie ba kan khlad noh hashen.

Katei ka kali kaba la kylla ha katei ka jaka, ka dei kaba don ia number JH-05-CX-5295. Ia u nongniah jong katei ka kali ym pat tip ba udei uba naei, namar tang mar ia jia katei ka jingjia, u la phet krad noh na katei ka jaka.