Wan poi Shillong u heh Congress,mynta ka jingialang

Shillong, 25 Risaw:
U Heh ka seng Congress uba peit ia kane ka jylla U V Narayanasamy u la wan poi mynta ka sngi ha nongbah Shillong bad la ong ba ka jingwan poi mynta ka sngi ka dei ban pynbeit ia ki kynrum kynram hapoh katei ka seng khamtam hadien ka resol MDC ha GHADC kaba la pyni ia ki dak ka jingtroin ka seng Congress ha kane ka jylla.
Ki lad khubor ki la iathuh ba haduh mynta u tei u heh Congress um pat ioh ba ia kren eiei bad ki MLA katei ka seng lane ki nongialam jong ka, hynrei la ong tang mar ia poi Shillong; ka la don ka jingiakynduh jong u bad u bah D.D Lapang, hynrei kam shym la don pat kano kano ka jingialang namar ba kawei ka daw la ong ba ka dei ka sngi u Blei bun ki MLA ki bym lait bad kawei pat ka daw ka dei namarba u Myntri Rangbah ka jylla u Dr.Mukul Sangma u don sha ri Lum Garo.
Namar kitei ki daw la sngewthuh ba ka jingialang jong ka seng Congress kan long lashai ka sngi ha kaba yn ia kren ia ki kynrum kynram kiba mih hapoh katei ka seng ha kaba la ong ba kan don ruh ka jingiakren ia kane ka aiñ Ar maloi ki nongmihkhmat ba la wanrah da ka sorkar khlem da don ka jingialang CLP katei ka seng bad kiwei pat ki mat kaba kynthup ruh ia ka kam nongialam.