Pyrshah U MR ka Mizoram, ban ker sainar sha khappud Myanmar

Aizawl:U Myntri Rangbah jong ka jylla Mizoram u Lalduhoma, u la ong ba lada ka don ka jingpyrshang ban ker sainar ia ka khapud India-Myanmar, ka dei kaba ym lah satia ban pdiang da ki paid Mizo.
Ka jylla Mizoram ka don ia ka khappud ba jrong kumba 510 kilometre bad ka ri Myanmar kaba ym pat shem la ker sainar.

Ha ka jingialang bad u myntri jong ka tnad ki kam bar ri ka sorkar pdeng u S.Jaishankar ha Nongbah Delhi, u Lalduhoma u la ong ba ka sorkar Bilat, ka la buh ia kane ka khappud kumba long mynta, khlem ka jingmynjur jong ki paidbah mizo.
U la ong ruh ki phareng ki phiah noh ia ki Mizo da kaba weng noh ia ka Burma na india bad phiah ia ki mizo ha ki ar bynta.

Ki paidbah Mizo ki la shim ia ka khapud india Myanmar ba mynta kum ka khappud ba la khnang, kumta kim lah satia ban pdiang ban ker sainar.
Lada ka don ka jing pyrshang ban ker sainar ha ki khapud jong ka india Myanmar ka dei kaba ym lah satia ban pdiang da ki paid Mizo.
Kane ka la wan hadien ba ka sorkar ka la thmu ban ker sainar noh kumba 300 kilometer ki jaka bym pat dep ban ker sainar ha khapud jong ka India Myanmar.

Ka Ministry of Home Affairs ka la rai ban pynduh noh ia ka jingai iaid lait lan ia ki nong Shong shnong ha ki khapud jong ki ar tylli ki ri kumba 16 kilometer khlem ka visa.
Saw tylli ki jylla jong ka ri india ki don ia ka khapud ba jrong 1643 kilometer bad ka ri Myanmar kiba kynthup ia ka Mizoram, Manipur, Arunachal Pradesh bad Nagaland.