New York: U Donald Trump, President barim jong ka United States, un nym lah satia ban ialeh ia ka elekshon President, ha ka jing iathep vote, kaba dei ban long, ha u snem ban wan, ha ka jylla Colorado, na ka daw ka jingdonkti jongu, ha ka 6tarik Kyllalyngkot 2021, ha kaba la leit hiar thma, da ki nongkyrshan jongu. Katei ka dei ka rai jong ka kashari, hynnin ka sngi, ha katei ka jylla bad kaba lah ban leit uor sha ka Supreme Court jong katei ka Ri.
La shim ia ka rai, da ki nongbishar, ha ka jingbun briew, kaba 4ngut la 3ngut bad katei ka dei ka rai, kaba nyngkong tam ha ka histori jong ka United States, ha kaba la rai ia u kyrtong, ba um lah satia ban ialeh ia ka elekshon President jong katei ka Ri.
Katei ka rai, kan treikam ha ka jingthep vote, ha Colorado, ha ka 5tarik Lber 2024, ha kaba ki dkhot jong ka seng Republican, ki dei ban ia jied ia u kyrtong jongki, ha shwa ka jingthep vote paidbah, kaba dei ban long ha ka 5tarik Naiwieng 2023. U Trump, ula rai ban ujor pyrshah ia katei ka rai sha Supreme Court, hynrei, ka kashari jong ka Colorado, ka kren shai, ba kan sa pynmih, ia ka rai jongka, ha ka 4tarik Kyllalyngkot 2024, kaba ailad ban ujor pyrshah ia ka rai jongka.
Phi don ban ong eiei?