Shillong:Ka sorkar jylla ka la pynlut 170klur tyngka lyngba ka Special Purpose Vehicle Society ban theh ia ki kam pynroi sha ki shnong kiba hap hapoh 150 km radius jong ka kompeni Lafarge Umiam Mining Private Limited (LUMPL), kaba don ka parmaw tih mawshun ha Nongtrai-Shella, East Khasi Hills.
U Chief Executive Officer ka SPVS u bah Peter S Dkhar ula ong mynta ka sngi, ba ka Society kala pyntreikam shibun ki skhim katkum ka jingdonkam jong ki paidbah kum ha ki lad jingsumar, ka pule puthi, ka rep ka riang bad kiwei.
U la ong ba ka jingialang kaba long mynta ka sngi, kala ai mynsiem ia ki dkhot ban pyntyllun shuh shuh ia ka kam pynroi ha ki shnong ba hap hapoh u pud u sam ka SPVS.
Ula ong ba ka jingiarap bad pyntreikam ia ki kam pynroi kan bteng katba ka kompeni ka dang treikam bad khlong ia u mawshun na katei ka jaka ban bsa ia ka karkhana.
U bah Peter ula ong ba ka thong ka long ruh ban ai jinghikai ia ki samla ha ki jait kam bapher bapher ba kin lah ban ieng ha la kijong ki kjat.
Shwa ia kane, u Chief Secretary u bah Donald P Wahlang ula ong ba ka jingthmu jong kane ka jingialang ka long ban ioh jingmut na ki dkhot halor ka jingpyntreikam ia ki kam pynroi.
kumno wan kam ka sorkar ba theh jingpynroi da ka Pisa ba shah phain ka lafarge ha ka supreme court ha kaba ka order ka supreme court bad ki guidelines ka SPVS ki kren shai ba ym bit ban pyndonkam bakla iaka Pisa Jong ka SPVS ban pyntreikam lyngba ka tnat sorkar.