Shen yn kyndang, sa ia ki kali ïit ïong, ong u SP

Shillong:U Bah Silvester Nongtnger Superintendent ki pulit jong ka East Khasi Hills District mynhynnin ka sngi u la ong ba shen ki pulit kin sa kyndang ïa ki kali tah ïit ïong kiba long palat ïa kaba la buh.

Wat la u Superintendent ki Pulit ka East Khasi Hills District um shym la batai bniah, hynrei u la kren shai ba shen kin sa sdang ban kyndang ïa ki kali tah ïit ïong kiba la sdang ban bun biang mynta kiba ïaid ha ki surok.
Kane ka jingkren jong u SP ka East Khasi hills, kala wan ha ka por ba bun ki kali rem dor bun kiba tah ïit ïong bad kane kala buh ïa ki pulit ha ka jingeh la kine ki kali ki dei ki kali shimet jong kito ki heh sorkar kiba la ïoh jingbit ban tah ïit ïong ne ki dei jong ki riew shimet kiba khlem ïoh jingbit.

Ka jingtah ïit ïong ïa ki kali la khang pyrshah hynrei la shah tang ïa ki kato katne kiba la ithuh da ki bor sorkar, hynrei kane ka jingtah ïit ïong kumba ka long mynta ym tip shuh hato kiba la ïoh jingbit ne em ïa kata ynda kila khynra kin sa tip.