Pynjot thiaw ki pulit, ia 181 tylli ki silencer, kiba la ioh kurup, na ki thuk thuk pynheh sur

Shillong:Ki pulit jong ka Shillong Traffic Police (STPs), ha ka sngi balang ki la pynjot noh ia ki 181 tylli ki silencer kiba la ioh ban kurup naduh u Nailar haduh mynta jong u snem 2023. Ia kitei ki silencer pynheh sur, la tylliat, da ka bull dozer.

Kane ka jingpynjot ia kine ki silencer la pynlong ha Police Reserve Shilllong ha ka jingdon lang u Superintendent of Police jong ka East Khasi Hills District u bah Sylvester Nongtnger, SP City bah Vivek Syiem bad u SP Traffic K.Prasad bad kiwei pat.

Na ka liang jong u Superintendent of Police jong ka East Khasi Hills District, u la ïathuh ba ki pulit ki la ioh ban kurup ia 300 tyllI ki silencer.

Ha kaba nyngkong ki pulit ki la ailad ia ki trai ki la ailad ba ki trai kin pynbeit noh ia kine ki jing pynkheiñ kyndon jong ki hynrei ki pulit ki la shim ia ka rai ba tyngeh hadien ba kim shem la bud satia ia ka jingbthah jong ki pulit, ha kaba ki pulit ki la kurup noh ia kine.

Ha kane ka jingkurup ia kine ki silencer, ki pulit ki la ioh ban kurup 12 lak tyngka ka kuna kum shibynta ban tehlakam ia ka jingsawa jam jong ki silencer ha kine ki bynta.