Rai ka ULFA, ban pynjur ia ki kam pyntriem ha Assam

Guwahati:Ka seng lehnoh bala tip kum ka United Liberation of Asom (ULFA) ka la rai ban pynjur ia ka jingthombor ha jylla Assam.

Ha u kyrwoh bala pyllait da kane ka seng ka la maham tyngeh ia u heh pulit jong ka jylla Assam u GP Singh.
Kane ka seng ka la kam ruh ba ka la donkti ban kawang bom ha ktem jong ki shipai ha Tinsukia Dirak Army bad ha ktem jong ki shipai CRPF ha Jaisaigar CRPF Camp ha Sivagar bad mana ruh ia u GP Singh ba um dei satia ban pyndonkam ia ki pulit Assam kum ka jing-ioh pateng jong u.

Ka ULFA -I, ka la mana ia u GP Singh ba um dei satia ban kam trai ia ka tnad pulit jong ka jylla Assam, lane ka seng kan sa leh biang ban kawang bom.
Ka jingleh jong u GP Singh ban kam trai ia ka tnad pulit jong ka jylla Assam kum ka jingioh pateng jong u, ka la ktah jur ia ka jing sngew jong ki ophisar bad kito kiba trei ha ka tnad pulit bad ki jingleh jong u ym shem la lah satia ban pdiang.

Ha kawei pat ka liang u Myntri Rangbah jong ka jylla Assam u Himanta Biswa Sharma u la kyntu ia u Paresh Baruah ba un sahngeh noh ia ka jingialeh da ka jingiaumsnam. hynrei ban wan noh sha ka miej jong ka jingiakren iasuk bad ka sorkar.