Shen yn thung kam noh ïa 3 hajar tylli ki kam thylli, ha ka tnat Pulit

Shillong:U Symbud Myntri Rangbah ka Jylla ba khmih ïa ka Kam Pohïing u Bah Prestone Tynsong ha ka sngi Nyngkong, ula pyntip ba ka Sorkar Jylla kan sa thung pyndap noh shen ha ki 3000 tylli ki kam kiba lait hapoh ka Tnat Pulit.

Haba ïakren bad ki nongthoh khubor, u Bah Prestone ula ong, “Ki jingpynkhreh ki la jan dep lut bad ka jingpynbna laitkam kan sa mihnoh shen lada ym dei mynta u snem, lehse haba sdang jong une u snem”.
Katkum ka jingong jong u, ki don palat 3000 tylli ki kam ba lait thylli hapoh ka Tnat Pulit.