Lah donkam ban pynbeit thymmai ïa ki MDC konstitwensi, ong u CEM

Shillong:U CEM ka KHADC u Bah Pynïaid Sing Syiem, u la ong ba lada ïa ka jingpynbeit ïa ki konstitwensi ym lah ban pyndep mynta kan ktah ïa kito ki konstitwensi kiba bun kiba thep vote namar kin ïoh ki skhim Pynroi kumjuh kumba ïoh kiba duna nongthep vote.

U la ong ruh ba lada pyntreikam ïa kane ka jingpynthymmai ïa ki konstitwensi ha kawei pat ka ilekshon ym mynta ha ka ilekshon MDC, kan wanrah ka jingïoh skhim kaba noh shiliang.

“Hadien ba la ïoh jingmynjur u Lat ïa ka Delimitation Committee la idei ban pynbeit thym mai ïa ki konstitwensi. Ha kane ka Delimitation kum ka Mawlai ka don 55 hajar ki nongthep vote MDC, katba ka Laban tang 15 hajar bad ka KHADC haba mang skhim kiba bun ngut bad kiba duna vote ki ïoh kumjuh kumta donkam ban pynbeit ryntih ïa ki Shnong, bad mynta hapoh ka 125 ammendment ïa ka khyrnit kaba hynriew yn sa mih sa 6 tylli ki konstitwensi ba thymmai, te kumta donkam ban pynbeit thymmai ïa kito ki konstitwensi kiba la ïoh ïa ki aplikeshon,” ong u CEM.

U la ïathuh ruh ba ha une u bnai yn lah ban pyndep ïa ka jingïalang sngap paidbah ne public hearing.
U la ong ba lada ka MDC ilekshon kan long ha kano kano ka por ki MDC ki la long kiba la pynkhreh ka shong pat ha ka Sorkar ne u Lat ka jylla ban pynjlan MDC ilekshon bad halor ban pyntreikam ïa ki jingpynbeit ki konstitwensi.