Nongpoh: Ki kynhun sengbhalang ha Ri Bhoi, kiba kynthup ia ka Confederation of Ri Bhoi People (CORP) Sengkmie bad HITO, ha ryngkat ki nongdie bad nongkhaii Syiar, mynta ki la leit ban kynduh ha ryngkat da kaba phah jingthoh sha u Bah M.B Tongper, ADC Ri Bhoi, ban leit ujor sha u halor ka jingmih ki kynhun ha surok, kiba la shim pisa haduh T. 30 hajar na kawei ka kali kit Syiar na Assam bad kaba thmu pynpoi Syiar sha Meghalaya.
Haba iadei bad katei ka jingleit kynduh ia u Bah M.B Tongper, la ialam da u Bah Bandary Ryntathiang, President ka CORP Sengkmie, u Bah Pateng Myrsing, Working President CORP, ki nongialam ka HITO bad ki nongkhaii bad die Syiar, ha kaba lyngba katei ka jingleit kynduh, ki la ïoh ban pynsngew hakhmat u ADC ia ka jingeh kaba ki kynduh bad kiba la kyntu ruh ia u ba u dei ban khanglad syndon halor katei ka kynhun kaba la shim pisa na ki kali kit Syiar kiba wan na Assam.
Ki nongai jingkren naduh ki seng bad ki nongkhaii Syiar, ki la pynpaw ba kumba ka long mynta, haba thmu ban wanrah Syiar na Assam sha Meghalaya hap ban siew pisa haduh T. 30 hajar shi Pickup bad lada ym siew ia kata ka pisa, kaba mut ba ki kali kit Syiar kiba thmu pynpoi sha Meghalaya, kim lah ban pynpoi ia ki Syiar sha Meghalaya.
Kumta lyngba katei ka jingiohlad jong ki ban leit kynduh ADC Ri Bhoi, ki la kyntu ia u ba u dei ban shimkhia bad ban khanglad syndon ia kitei ki kynhun, ki la shim pisa na ki kali kit Syiar kiba thmu pynpoi sha Meghalaya.
Dei ban ai da ka FIR