Kynriah ia ka sngi niew vote, sha ka 4tarik Nohprah ha Mizoram

Shillong: Ka Election Commission of India (ECI), ka la pynkylla ia ka sngi niew vote ha Mizoram, na ka 3tarik bad mynta kan long noh, ha ka 4tarik Nohprah 2023. Kane ka rai, ka dei, hadien jong ka jingujor jong ki kynhun kiba bun, ia katei ka sngi niew vote, namar ba kan dei ka Sngi U Blei bad ba ka dei ka sni kaba la khein kyrpang, da u paidlang ka jylla Mizoram.

Ka kyrwoh jong ka Election Commission of India (ECI), ka kren shai, ba ka jingniew vote, ia ki 40 tylli ki Constituency ha Mizoram, kan long noh ha ka 4tarik Nohprah, katba ia kiwei pat, ki jylla, ba kynthup ia ka Chhattisgarh, Madhya Pradesh, Rajasthan bad Telangana, kin long beit ha ka Sngi U Blei.