Imphal:U khlur ak phlim ba paw jong ka Bollywood, u Randeep Hooda u la poi imphal jong ka jylla Manipur na bynta ka jingiathoh shongkurim bad ka Aktres na jylla Manipur ka Lin Laishram.
Kine ki shijur kin iathoh shongkurim ha ka 29 tarik Naiwieng katkum ka riti dustur bad ka rukom iathoh shongkurim jong ki briew ha jylla Manipur.
U Randeep Hooda u la poi ha nongbah imphal ha ka sngi nyngkong ka 27 tarik, ha kaba la pdiang sngewbha ia u, da ka Lin Laishram ha kad liengsuin ha Imphal international airport.
Ha ka sngi nyngkong ka Laishram bad u Hooda, ki la leit ban duwai ha iboudhou Marjing Shanglen ha Imphal jong ka Manipur.
Ka jingiathoh shongkurim jong kine ki shijur ki aktor kan dei kawei na ki jingiathoh shongkurim ba heh duh ha ka thain shatei lammihngi.
Kine ki shijur ki la pynbna paidbah ia ka jingiathoh shongkurim jong ki ha ka rynsan social media ha ka 24 tarik Naiwieng 2023.
Ha ka kyrwoh ba ki la thoh ha social media ki la pynpaw ban shim kum ka Mahabrata kaba u Arjuna u iathoh shongkurim ia ka khun syiem Chitrangada “Ngin sa iathoh shongkurim da ka jing Kyrkhu jong ka ïing ka sem bad ki paralok” ki la ong.
“Ngi dap da ka jingkmen ban ïathuh ba ka jingiathoh shongkurim jong ngi kan dei ha ka 29 tarik Naiwieng 2023,ha imphal Manipur, bud sa ha Mumbai, ngi wad ia ka jingkyrkhu ba ka jingieid ban ia don lang”.
em ym Don eiei shuh ban dang ong