Vijay Hazare Trophy: Rem ka Meghalaya ha ka Chhattisgarh, mynta yn iakhun bad ka Jharkhand

Shillong:Ka Vijay Hazare Trophy kaba lah ialeh mynshi sngi ha Jaipur hapdeng ka Meghalaya bad ka Chhattisgarh, ka Meghalaya ka la shahrem noh da 77 run.

Hadien ba ka Meghalaya ka la jop ia ka toss, ka la jied ban kawang bad ap bol shuwa bad ka Chhattisgarh ka la lah ban kamai 290/7 ha ki 50 over. Ha katei ka kylla u Lerry Sangma u dei uwei napdeng ki hynniew ngut ki nongkawang bol ka jylla uba la ioh ban bol tang 4 over hynrei u la lah ban shim haduh 3 ngut ki wicket da 28 run. Nalor jong u, u Akash Kumar Choudhury u ioh 2/61 na ki 10 over, Dippu Ch Sangma 1/49 ha ki 10 over bad u Rajesh Bishnoi 1/55 na ki 10 over. Ha ka jing tied bol u Lerry u la lah ruh ban leh bha ha katei ka kylla ha kaba u la ioh ban kamai 51 run na ki 49 bol da kaba ioh ban thlieh ar tylli ki 6 bad shibun tylli ki 4. Nalor jong u u Jaskirat Singh u la ioh ban kamai 42 run na ki 46 bol da kaba thlieh san tylli ki 4. U Kishan Lyngdoh pat u tied 37 run na ki 65 bol bad u la ioh ban thlieh saw tylli ki 4. Hynrei da ka jing buh ka Chhattisgarh ia ka thong kaba heh, ka Meghalaya kam shym la lah ban kot sha katei ka thong bad ka la shah pynkut noh tang ha ka jingkamai kaba 213 run.Mynta ka sngi pat, ka jingiakhun kaba bud jog ka Meghalaya kan long pyrshah ia ka Jharkhand.