Pynbna ka MBA ia ki 9 ngut ki rangiakura, na ka bynta ka 7th Elite Men’s National Boxing C’ship

Shillong:Ka Meghalaya Boxing Association (MBA) ka la jied ia 9 ngut ki rangiakura ki ban iashim bynta ha ka 7th Elite Men’s National Boxing Championship, ka ban sdang naduh ka sngi Saitjaiñ.

Ia kane ka lym pung ka ban wan iashim bynta palat 350 ki rangia kura ha ki 13 tylli ki kyr dan iakura bapher bapher, yn pynlong ha SAI Indoor Stadium kaba ha NEHU naduh ka 25 tarik u Nai wieng haduh 1 tarik u Nohprah. Ia kane ka rynsan iakura yn pynlong da ka MBA bad ka Boxing Federation of India (BFI) ha kaba yn bei tyngka da ka tnat Sports and Youth Affairs jong ka Sorkar Jylla.

Ki rangiakura ka Jylla ki long u Sanjeev Maskut (46-48kg), Banjop Nongkhlaw (51-54kg), Melvin Marbaniang (54-57kg), Kordor Marwein (57-60kg), Badonkupar Synnah (60-63.5kg), Bhalang Shadap (63.5-67kg), Balnas Sangma (67-71kg) bad u Justerwell Jyrwa (71-75kg). Kat ki coach ka Meghalaya ki long u Pynskhem L Nong lait, Wilfred Kharmaw long bad u Noyontho Marak. Kitei ki rangiakura ki dei kiba ju iashim bynta ha ki lympung iakura bapher bapher ha kaba ki la ju khur jingjop ha ki lympung iakura hapoh ka Jylla bad wat shabar ruh kumjuh. Te mynta kine kin pynkhreh ban iatynjuh bor bad kiwei pat ki rangiaakura na kylleng jong ka ri, ha kaba kiba bun na ki, ki dei kiba la khur takma ha ka National Games, Asian Games bad kumjuh ha ka Commonwealth Games.

Katto katne na ki khlur iakura ki ban iashim bynta ki kynthup ia u rangiakura uba ialehkai ar sien ha ka Olympi bad uba la khur takma hynriew sien ha ka Asian Championship u Shiva Thapa, kumjuh u rangiakura uba la khur nam lahduh ha ka Asian Games 2018 u Amit Panghal bad u rangiakura uba la khur takma rnong ha ka Commonwealth Games 2022 u Rohit Tokas nalor kiwei pat.

Kumba ka paw ka BFI ka la pynkhreh ban pynlong ia ka prokram ai jinghikai ha u snem ban wan na ka bynta ban pynkhreh ia ka Paris Olympics 2024, te kumta kane ka lympung ka long kaba kongsan na ka bynta ki nongiakura. Te kumta na ka liang ka MBA bad ka tnat Sports and Youth Affairs kin ialeh katba lah ban pynurlong ia kane ka lympung kaba jop.