Ha ka sngi kut ia khaid ka Meghalaya bad Mizoram ha ka U-19 Men Cooch Behar Trophy

Shillong:Hynnin ka sngi bakhatduh ka Meghalaya ka la bteng ia ka jinglehkai da ka 53/3 da kaba buddien ia ka inning kaba nynkong jong ka Mizoram da 206 run.

Ha ka jingbteng ka Meghalaya ka la lah ban tied tang 147 da kaba pynlong ia ka Mizoram ban lamkhmat ha ka inning kaba nyngkong da 59 run. Ha ka pali tied jong ka Mizoram ka la pynna noh ia ka jingtied jong ka da 134/5 bad da kumne ka thong ba la buh hakhmat ia ka Meghalaya ka long 194 run ban ioh ia ka jingjop.
Ha ka jingai jubab, ka Meghalaya ka la lah ban pynphai tang 102/7, da ka jingiaineh haduh kaba kut jong u Manthan Dey da 53 na ki 66 bol.

Ha ka inning kaba nyngkong, la iohi ba ka Meghalaya ka i donkam palat ia ki nongtied kiba lah ban neh ha ka jing lehkai, hynrei la iohi ba ka jingkamai kaba bun eh ka dei tang 27 run ba la ia kamai lang hapdeng u Pushkar Raj bad u Angkit Tamang.
Ha ka inning kaba ar pat, ka Meghalaya ka la donkam ban pynsted ha ka rukom pynhap ia ki wic ket, hynrei la iohi pat ba u Angkit uba la dei ban ioh pynhap ia u wicket ha ka over kaba nyngkong jong ka kylla kaba ar, hynrei um shym la lah ban bat skhem ia ka bol kaba u la pyrshang ban kem. Uba la Iah ban pynhap wicket nyngkong ha kane ka kylla u dei u Banialam da 1/7.

Ha ka jingiaid jong ka jinglehkai, la iohi ba ki nongtied kiba hakhmat jong ka Mizoram ki la jan hap lut ha ka jingbol jong u Balgrik Sangma uba la ioh 2/23 bad la iohi ba ka Mizoram ka la hiar ka jingkamai jong ka sha ka 62/5. Uwei pat uba la ioh ban shim wicket u dei u Da-U-la-biang Shangpliang da 2/43
Ka jingbakla kaba khraw jong ka Meghalaya la iohi ba haba u Johan u bym pat shym la ioh ia ka half century ha kane ka ky lla u la ioh ia ka kabu jong u hadien ba u fielder u la lait ban kem ia ka bol jong u bad une u la ioh ban ka mai ha kane ka kylla da 51 bad dang iaineh nalor ka 73 run ba u la ioh ha ka inning kaba nyngjong.

Ka Mizoram kaba la kwah ban ioh noh ia ka jingjop ka la pynsted ia ka jingkawang bol jong ka, katba na ka liang ka Me ghalaya la iohi shuwa ba ka la duh ei ia ar ngut ki nongtied jong ka da ka ba run out bad katto katne ki nongtied ki la shu hap na ka daw ka jingbym tied thikna ia ka bol jong ki
Kumme, da kaba iohi ia la ki patalok ba ki shu iahap iwei hadien iwei, u Manthan u la tied bha da kaba ioh kamai 50 run bad pyllait ia ka Meghalaya na ka jingshah rem.
Ka Meghalaya kan dang neh ha la ka jong ka jaka bad ka jingiakhun kaba ar jong ka ka long pyrshah ia ka Nagaland ba yn ialeh naduh ka 24 tarirk Naiwieng ha kajuh hi ka jaka.