Sangeh ka jinglehkai na ka daw u slap ha ka U-19 men Cooch Behar Trophy

Shillong:Na ka daw ka jing hap u slap hynnin ka sngi, ka sngi ialehkai kaba nyngkong jong ka lympung U-19 men Cooch Behar Trophy hapdeng ka Meghalaya bad ka Mizoram ka la shu leh nohei kai noh khlem kano kano ka jingmih ha MCA Ground Polo.

Wat lada u slap ym shym long uba jur hynrei ka suinbneng kam shym la ailad ban khyllie ia ki jingsop madan kiba la shu tap lynter baroh shi sngi, tad haduh ka jingshim rai noh jong u Umpire ha ka 2 baje nohphai sngi ia ka jingbym lah shuh ban pynlong ia ka jinglehkai ha katei ka sngi. Da ka jingioh por sa lai tylli ki sngi, ka dang don ka lad ia kitei ki kynhun ban dang iakhun biang lada ka suinbneng ka ailad. Kumta yn lah ban iohi ia ka jingiakhun mynta ka sngi ha kajuh hi ka por.