Ka jingeh ia ki paidbah, khamtam kiba pang lada iaid one way, ong ki draibar

Shillong:Ki nongniah kali kamai Laitumkhrah sha Polo, ki la pynpaw biang ia ka jingeh halor ka jingpyniaid shi lynti lane one way na Polo sha Sawfurlong.
Kane ka jingphah ïaid shi lynti na Polo sha Sawfurlong, ka la sdang naduh ka 6 tarik mynta u bnai Naiwieng.

Kumba la pyntip ki bor pulit pyniaid kali, la ong ba kane ka dei tang ka jingpyrshang, bad kaba tang shi por, ban peit ia ka jingdheng kali.

Haba ioh ban ïakren bad u bah Pynsuk Youroi, uba dei u General Secretary, ka Synjuk nongkamai kali sir bad khapsor, mynta ka 14 tarik u Naiwieng, 2023, u la kyntu ia ki bor ba dei khmih ba kin peit ia kine ki jingeh, ym tang jong ki nongniah kali, hynrei ia ki paidbah ruh kumjuh kiba shong kali.