Uba tynrah ia ka longkmie, ha Mawlai Mawdatbaki, u dei uba don da ka learner license bad uba hapoh 18 snem

Shillong:U MLA ka Mawlai Konstitwensi u bah Brightstarwel Marbañiang u la iathuh, ba u khynnah ba tynrah ia ka longkmie ha Maw lai Mawdatbaki, u dei u ba dang don hapoh ka 18 snem ka rta, hynrei u la ioh pat ia ka driving licence (learner). Ia kane u bah Brightstarwel, u la ong haba iakren bad ki lad pathai khubor ha Civil Hospital Shillong, ha kaba u la wan sngew lem ia kiba ha iing hasem ki ba dang ap ia ka post mortem jong ka kong Larisa Ïawrot.

U bah Brightster wel u la ong, ba kane ka longkmie ba shah tynrah kadei kaba don tang u wei u khun shyn rang. U bah Brightsterwel u la iathuh, ba kat kum ka jingiathuh jong u Investigation Officers (IO) ba utei u khynnah u ba leit ban tynrah ia ka tei ka longkmie u dang don hapoh ka 18 snem karta bad mynta u dang don ha ka jingtohkit jong ki pulit ka Mawlai, ban tohkit halor katei ka jing jia bad ruh ban toh kit ha kaba iadei bad ka jing ioh ia ka laisen niah kali jongu.