Ka jingiakren kan sdang, hadien ba ka HNLC, kan phah ia U Chairman bad U General Secretary, ong u symbud MR

Shillong:U symbud myntri rangbah ka jylla u bah Prestone Tynsong, mynhynnin ka sngi u la ong ba ka jingiakren bad ka seng lehnoh Hynniewtrep National Liberation Council (HNLC) kan sdang biang, hadien ba ka seng ka phah ia ki nongialam kiba ha khlieh duh kynthup u Chairman bad General secretary.

Haba kren mynta ka sngi, u bah Prestone uba dei peit ruh ia ka tnad kam pohïing u la ong ba ka jingiakren bad ka HNLC ka dang long tang shisien bad ka sorkar ka la kren shai sha ki nongialam ka seng ba ka jingbteng ia ka jingiakren kan long tang hadien ba la wan iashim bynta ki nongialam ba hakhlieh duh jong ka seng ban iakren ia ki mat ba ka seng ka buh hakhmat.

“Ngi la sdang iakren shisien bad ki kyrdan baar jong ki nongialam ka HNLC. Ngi la kyrpad ba ha ka sien iakren kaba bud, dei ban wan ki nongialam ba khliehduh ka seng, bad ngi long kiba la kloi ban iakren ia kano kano ka mat ban wanrah”, la ong u symbud myntri rangbah ba peit ia ka tnad kam pohiing.