Shah thok ki model ha u Joshi khlem pat siew T. 50 lak

Shillong, 19 Risaw:
Ki nongoh riam (designer) bad ki nongiaid pyni riam (model) ki la kam ba ki khlem pat ioh ia ka pisa kaba la iakut haduh T. 50 lak na u nongpyniaid u Manas Joshi ban pynlong ia ka Tamasa Pyni Riam ne Fashion Week kaba la dep dang shen ha Shillong.
U Manas Joshi u la shah kem ha ki pulit halor ka jingkynnoh ba u la soi hi ia ka jingsoi u Deputy Commissioner ka East Khasi Hills.”Ngim pat ioh ia ka pisa kaba la iakut na u Manas Joshi kaba kot sha ka T. 50 lak kynthup ki bai sah iingbasa, ka jingsiew ia ki nongpyni riam, ki nongoh riam bad kiwei ki jingpynlut”, la ong u Bah Arif Mukhim uwei na ki nongoh riam jong ka nongbah Shill ong.U la ong ba ki nongoh riam bad ki nongpyni riam ki la ujor ejahar ruh ia utei u Manas Joshi.U  Manas Joshi uba dei u nongpyn iaid jong kane ka Tamasa Pyni riam u la shah kem ha ki pulit na MES colony ha ka 16 tarik Risaw 2015.
”Ngi la shah thok ha une u  Manas Joshi u trai ka MStar Group,” la ong u Bah Arif Muk him  haba kren sha ki non gthoh khubor ha kane ka sngi Nyngkong.
Katkum ka jingong jongu, mar ia ioh sngew ia ka khubor ba u la shah kem, ki la leit ban iakyn duh ia u Deputy Commissioner bad na ka liang jong u DC ula bthah ia ki ban leit sha ki pulit.
”Hadien ba la ia kynduh, u DC u la bthah ia ngi ban leit sha ki pulit ha kaba ngi la rah ia ki kot ki sla kiba iadei bad kane ka kam kaba la soi da  u  Manas Joshi”, la ong u Bah Mukhim bad bynrap ba u Manas u dei uba la iadon bynta ha ka  2012 ha ka Shillong Fashion Week  tangba um shym la pyniaid ia ka.