New Delhi:U Narendra Modi, myntri rangbahduh ka India, ula pynbna, hynnin ka sngi, ba ka jingsam ei ia u khaw sha ki 80 klur ngut, ki nongbam reshon, kan dang iai bteng sa san snem kynthih.
“Nga pynbna, ba ka sorkar BJP, kan dang iai bteng, ban ai ei ia u khaw reshon sha ki 80klur ngut ki nong India, ha ki san snem ki ban wan. Ka jingieid bad ka jingkyrkhu jongphi, ianga, kan dang iai bteng, ban shim ia ka rai kaba kyntang bha” ong U Modi, haba kren ha ka jingialang paidbah ha Chhattisgarh, hynnin ka sngi.
Ka skhim sam khaw ei, lane ka Pradhan Mantri Garib Kalyan Anna Yojana (PMGKAY), ka la sdang trei kam ha ka por jong ka khlam covid, ha u snem 2020, ha kaba ka sorkar ka ai ei khaw 5 kilo sha ki nongbam khaw reshon bad katei ka jingai, ka dei nalor ka jingsam ia u khaw reshon, uba ki paidbah, ki dei ban ioh, uba hap ha ka skhim National Food Security Act (NFSA).
U Prime Minister jong ngi te u la leh bha palat ia u paitbah ka Ri, ngi duwai ba U Blei Un ialam bad btin lynti ia U na ka por sha ka por.