Ka pisa ba la siew beain sha U Prasad, dei ban khate na ka tulop U VC, ong ka JAC

Shillong:Ka Joint Action Committee (JAC) ha ka jingialang bah kaba ar mynta ka sngi ka la rai ba ia ka tulop kaba la siew beaiñ sha u Technical Officer u Rohit Prasad, dei ban khate noh na ka tulop jong u Vice Chancellor, u Prof Prabha Shankar Shukla bad ym dei ban siew eiei na ka pisa ka NEHU.

Ha kajuh ka por, ka JAC ka la dawa ba u VC u dei ban kren sha ki lad pathai khubor, ba kin don lang, namar ba ki kwah ba un pynshong nia halor ka jingdawa jongki.
Ka JAC ka la rai ruh ban pynjur ia ka jingiakhih ban pynbor ia u VC ban weng noh shi syndon ia ka jingthung kam beaiñ ia u technical officer.

Lah ban kdew ba u nongialam ka JAC, ba kynthup ia ka NEHUTA, NEHUNSA, bad ka NEHUSU ki la pynlong ia ka jingiakhih dang shen halor ka jingkynnoh ba u VC ula thung kam beaiñ ia u Rohit Prasad.