New Delhi:Ka kong Ampareen Lyngdoh, myntri jong ka sorkar jylla, ba dei peit ia ka tnad ka rep ka riang, ka la pynpaw ka jingsngewkmen ban iohi ba ki nongrep jong ka jylla, ki ioh ban wan ban ia die ia thied ia la ki jong ki mar ki mata ha kane ka iew kaba heh bha ha Nongbah Delhi. Kane ka dei ka lad kaba biang ia ki khun samla ba kaei kaba ki leh bad ban ioh kum kane ka lad ban wan ia die ia thied bad ban pyni ia la ki jong ki mar bam kiba pher bapher.
Ia kine ki kyntien, ka kong Ampareen ka ong hadien ba ka la plie paidbah ia ka jaka pyni nam ia ki mar rep, ki mar bam mar dih ba la pynmih naka jylla Meghalaya ha ka World Food India 2023 jong ka Ministry of Food Processing and Industries kaba la long ha nongbah Delhi.
La sakhi ha kane ka sngi ruh ha ka jingiadonlang ka kong Isawanda Laloo Secretary ka tnad Agriculture and Farmers Welfare Department bad kiwei kiwei ki ophisar sorkar ka jylla.
Ha ka jingiakren bad ka kong Ampareen, mynta ka sngi, hadien ba la dep wan peit ia ki 14 tylli eiei ki dukan khasi ba ki pyni ia ki mar rep, ka la kyntu ia ki khun samla ba kin phaikhmat biang sha ka rep ka riang sha ki kper ki phrah jong ki, ym ban ap tang ha ki kam sorkar, namar kane ka dei ka lad aikam aijam ruh kaba khraw. Ka la ong ruh ba ka sorkar MDA-2, mynta ka shimkhia ban kyntiew ia ka rep ka riang ha ka jylla.
dei kane ka daw ngi khasi shane ngim dei ban kren bein ne leh bein ia ki briew nabar Lada ki wan trei kam business ne trei bylla ha ri jongi.