Shillong:U MDC ba rangbah bha ka Khasi Hills Autonomous District Council (KHADC) na Shella constituency u bah Teinwel Dkhar, u la ong ba ha ka por ba u bah Ardent M Basaiawmoit, u la long Chief Executive Member (CEM) ka Council ha u snem 2014, ula wanrah ia kawei ka mat ha ka Executive Committee hapoh ka shatri ka APRA, ban ailad ban ai jait sha u shynrang ruh da kaba pynkylla ia ka Khasi Social Costume (Linage) Act.
Kane ka jingleh u bah Ardent, ka la pynlong ia ki Executive Member kiba na ka UDP ha kato ka por kynthup u bah Teinwel Dkhar, bah Donkupar Sumer bad kumjuh ka kong Rona Khymdeit, ban ieng pyrshah ia kane ka jingthmu jong u bah Ardent namar ka long ka jingkhynra ia ka riti dustur jong u Khasi.
Haba kren mynta ka sngi, u bah Teinwel uba dei ruh u CEM barim ka KHADC, u la ong ba ha ka jinglong MDC la saw sien, u la iakynduh shibun kiba iadei bad ka Council, khamtam ka jingdonkam ban iada ia ka jinglong kyrpang ka jaitbynriew namar ba khlem ka district council ka jaitbynriew kan ngam.
“Ha ka jinglong MDC saw sien ne 20 snem, ki paidbah ka jaitbynriew ki donkam palat ia ka District Council namar khlem ka District Council ka jaitbynriew kan ngam shapoh”, la ong u bah Teinwel.
U la ong ba don ki nongialam ka District Council kiba shah ialam bakla ruh. “Teng teng wat ki nongialam ka District Council ruh, ki ialam bakla ba shah ialam bakla nano nano ne dei ka jingpyrkhat jongki ne. Ngan ai nuksa, ha ka por ba long CEM u bah Ardent M Basaiawmoit ha 2014, ila wanrah ia ka mat ha ka jingialang ka Executive Committee (EC), ba to, ngin iapynkylla noh ia ka jait, to ngin ai jait noh sha u kpa lane to, ngin ia ai mon noh ia ka jait katba kiba kwah ban shim na ka kmie ne na u kpa. Na ka liang ka UDP, ma nga, bah Donkupar Sumer, bad Kong Rona Khymdeit ha kato ka por, hapoh EC, ngi la pyrshah ia kane ka bynta, namar ngi ong, kan don jingmut aiu ban don ha district council ban bat ia ka riti dustur, ka khein kur khein jait, kaba naduh kulong kumah, te hynrei ha kato ka por pat, ha ka jinglong CEM jong u bah Ardent, ha ka shatri ka ARPA ha 2014, ula wanrah ia ka mat ban pynkylla ia ka jait bad ngi pyrshah ia kane”, la ong u bah Teinwel.
U la ong ba naduh kane ka por, ka EC kaba ialam u bah Ardent ka la sdang synjor ha kaba u bah Ardent ula sdang ban shim sting ban leh jngai na ka UDP, haduh ba ka EC ka la poi sha ka jingkhyllem.
U la ong ba mynta ruh la don ka jingkhih phaloh jong ki katto katne ban pynkylla ia ka kur ka jait bad ha u shimet, u sngew ba haduh mynta ym pat dei ka por ban pynkylla ia kane ka jingleh lymda pdiang da baroh.
Ka rukom bat ne longtrai ia ka khyndew ka shyiap, lada kam don ka district council ka jinglong kyrpang la kut namar u riewlum khlem ka khyndew ka shyiap u la long ha suin.
Ha kajuh ka por, u la ong ba katba kiwei ki dang pynkhlain ia ki district council katba hangne pat don kiba thmu ban pynduh noh bad lada shim noh ia ka Artikil 371 ka riti synshar ka ri, ka mut ba ka Sixth Schedule ka la jah noh. “Ngi dang ialeh ban pynkhlain ban ai bor shuh ia ki district council, lada kiwei ki district council, hynrei lada don kiba kwah ban pynduh noh, kata ka dei ka jingsngew shimet, bad ki paidbah kin ym pdiang. Lada shim noh ia ka artikil 371 te, ym donkam MDC, ym don district council shuh bad kan wanrah ka jingiapait iapra ha ka jaitbynriew”, la ong u MDC ka Shella.
U la ong ba ha ka por ba u long CEM ma u ha u 2019, la pynkhreh ia ka Land Bill hapoh ka jingpeit u bah Titostarwell Chyne kum u EM kaba la ioh ruh ia ka jingmynjur na u Lat ban pynskhem ia ka jinglong trai halor ka khyndew ka shyiap, bad la pynbeit bha ruh ia ka rukom ai trading license ia ki ar jylla hapoh ka jingpeit u bah Paul Lyngdoh kum u EM.
๐๐ ๐๐๐ข ๐ค๐๐ญ๐ ๐๐ ๐จ๐ง๐ ๐ข๐๐๐ก ๐ ๐๐ค๐ก๐๐ซ, ๐ฆ๐ฒ๐ง๐ญ๐ ๐ฉ๐๐ญ ๐ค๐ ๐ฅ๐จ๐ง๐ ๐ค๐ก๐จ๐ง๐ ๐ฉ๐จ๐ง๐ ๐ก๐ ๐ข๐๐๐ก ๐๐ซ๐๐๐ง๐ญ ๐๐๐ฌ๐๐ข๐๐ฐ๐ฆ๐จ๐ข๐ญ. ๐๐ฒ๐ง๐ซ๐๐ข ๐๐๐ง ๐ฉ๐ฒ๐ง๐ค๐ฒ๐ฅ๐ฅ๐ ๐๐๐ง ๐๐ข ๐ฃ๐๐ข๐ ๐ฌ๐ก๐ ๐ฎ ๐ค๐ฉ๐ ๐ค๐๐ฆ ๐ข๐๐ก๐๐ฉ ๐ฌ๐ก๐ฎ๐ก, ๐ง๐ ๐ ๐ฅ๐๐ข ๐ฆ๐๐ซ๐ฐ๐๐ข ๐ง๐ ๐ ๐ฉ๐ฒ๐ง๐ซ๐๐ฆ ๐ข๐ ๐ค๐ฎ๐ฆ ๐ค๐๐ญ๐ ๐ค๐ ๐ฃ๐ข๐ง๐ ๐ฆ๐ฎ๐ญ ๐๐๐ ๐ฃ๐ข๐ง๐ ๐ญ๐ก๐ฆ๐ฎ, ๐๐ข ๐๐ ๐ค๐๐ง ๐ฌ๐๐ก ๐ค๐ฎ๐ฆ๐๐ ๐ค๐ ๐๐๐ข ๐๐๐ง ๐ฅ๐จ๐ง๐ .
lada u bah Ardent u isih ia ka jingai jait kmie kata ka mut u la don jingthmu ban pynjah ia ka jaidbynriew KHASI.
La ih ka por ba ngi dei ban pynkylla ban shim jait noh na u Kpa, ym dei na u Shynrang! Ha kiwei-kiwei ki jylla northeast, ki don lang Sixth Schedule bad Art.371 . Hynrei ka jaitbynriew jongngi kan iap suki ha ka benami!!
khlem ka council ruh phi nym ioh ruh ban pynriewspah ia u bar jylla..
nai wanrah issue ieid Jaideep namar ngi tip phi bad ka UDP phi lah rem lypa.
ha u Prah.
Ka snam, ka jinglong jingim ( character) bad wat ka dur ka dar jong ki khun ka hiar na ki kmie kha ne u kpa te balei kein ngin sngew pyrshah lada don kiba kwah shim jait na u kpa? Imat ka por ka ladei ban pyrkhat kumno ban pynkhlain ia ka imlang ka sahlang U Khasi ym dei eh tang ia ka dustur.
Ka jaitbynriew Hynniewtrep kan sa jah na ka matrilineal system. Pynkynkylla kloi sha ka patrilineal system!
Patalok baroh ; Lada shim jait noh na u kpa symbai khasi te ka biang biet m hynrei lada ai jait khasi na u kpa symbai bym dei khasi te ka shong nongrim ne em ?
Ai jingmut lem
pynduh noh shi syndon kum kato ka jait prah next election,
Ka dustur kadei ban neh hynrei lada ka dei kabym seisoh ne kaba nang troin ngi hap ban pdiang ia ka jingpynkylla lem kylla sa tang katno ngi lah nang hiar arsut. Ha ka jingpeit jong ng, ngi don ar tylli ki lad ban iada ia ka jing hiar arsut ka ri bad ka jait bynriew kata ka long:
1. Nga i ba ngi donkam ban kyntiew ia ka kamai kajih bad ban leh ia kata ngi hap ban pynkylla noh ia ka jing hiar pateng bad ia ka jingdon jingem sha U shynrang ban kiew ka ioh ka kot namar lada ka jinghiar pateng ia ki jingdon jingem ka long sha u shynrang, ka ioh ka kot Kan kiew namar u shynrang u lah bad bor bad buit ban kyntiew ia ka kam. Namr lada ki leh da kumne ngi im bad bsa para khasi bad uto u shynrang uba ioh lok dkhar un duh ia ka jing hiar pateng. Ka jinghiar pateng ka lah ban hiar noh sha ki kynthei lane pyrsa u shynrang.
Note: Haba nga ong ia kane ng kyntu ban pynrung ha iwei pa iwei ia ka jingmut baiar lem kumta lada kiba bun ki pyrkhat lyngkot jingmut kin ong ba ioh jingmyntoi ka jait kiwei hynrei kiba ioh pateng dei ki Khasi hi pat ym kiwei.
2. Ai ba ka jait ka neh kumjuh lada kiba bun kim pat sngewdei ban kylla ia ka jait. Lada long shim da ka special meeting ban discuss kumno ban wad lad wad lynti ban kyntiew ia ka jait bynriew jong ngi.