Shillong:Mynhynnin ka step, ka la don ka jingshai kaba her ha suinbneng bad kaba long kum ka dur jong u dish antena bad ia katei ka jingshai, la iohi, da kiba leit jingleit, katba ki dang iaid na Pynursla sha Sohbar. Katei ka jingshai, kaba da thaba bha, la iohi, lyngba ki dur video, ba ka her ha suin bad kam da iaid stet bad ka hiar sharum.
Kiba iaid lynti mynta ka step, ki iathuh, ba ki sdang ban iohi, ia katei ka jingshai, ha ka por, ba ki poi hajan ka shnong Mawlam bad ka sa jah noh, ynda poi hajan ka shnong Mawkliaw bad la antad, ba ka paw dur, tang kumba shiteng kynta eiei.
Kiba iohi ia katei ka jingjia, kim lah satia ban batai ia ka jingheh jong katei ka jingshai, tangba la iohi, ba kan jan long kum ka dur jong u dish antena, kaba pyniar ia ki jingshai jongka shakhmat, katba, ka bynta kaba shatrai, ka long kaba dum.
Nga ruh nga la iohi shisin haka por 4.30 Am pot leit khwai doh.
Even my uncle sees it