Shem jingeh, ha ka jaka, ia ki projek surok ha Meghalaya, lah ban sangeh noh, ong u Gadkari

Guwahati:U Myntri jong ka sorkar pdeng ba dei peit ia ka tnad shna surok, ha ka sngi ba ar, u la iathuh ba ki projek ba la mang pisa ban thaw ia ki surokbah kiba la kot 3 lak klur tyngka lah dep ban mang ha ki 10 snem ba la dep, kaba la wanrah ruh ia ka jingkhrong jong ki surokbah da 45 persen ha ka thaiñ shatei lammihngi.

Haba kren sha ki nongthoh khubor ha nongbah Guwahati, u Gadkari, u la ong ba ki projek ba shongdor 2,89,425 la wanrah sha ka thain shatei lammihngi ha kine ki 10 snem bad kine ki projek ki kynthup ia kiba la dep ban trei, kiba dang pyntrei bad kiba yn sa pyntrei.

Ka jingjrong jong ki surok bah ha ka thaiñ shatei lammihngi ka la kiew na ka 10,800 kilometer ha u snem 2014 sha ka 15,740 kilometer.
U la iathuh ruh ba ki bor pyniaid ki kynduh jingeh haba iadei bad ka jaka, ha ki jylla jong ka thaiñ shatei lammihngi kum ha Nagaland bad Meghalaya bad lada ym lah ban ia pynbeit lah ban sahngeh noh shisyndon ia kine ki projek.

U Gadkari u la pynbna ruh ia ka mang pisa ba 800 klur tyngka ia ar tylli ki projek ha jylla Assam.