“Ka Israel bad ka Bible”

AIS Suja

Ka Israel bad ka Bible: Ngi tip ba ki Israel ki long ka jaidbynriew kaba u Blei u la jied kyrpang naduh ba sdang bad ka Jerusalem ka long ka nongbah jong ka Israel naduh kumba 3500 snem mynshuwa. U Blei u la jied ia kane ka Ri bad ka Nongbah Jerusalem kum ka pdeng (Centre) jong ka pyrthei. U Blei u ong kumne – “Kane ka long ka Jerusalem: Nga la buh ia ka hapdeng ki jaidbynriew, bad ki Ri ki long sawdong ia ka” This is Jerusalem: I have set it in the midst of the Nations and countries that are round about her” Esekial 5:5. Naduh ba sdang hi, u Blei u la don ka plan ne jingthmu na ka bynta ki Israel bad ka pyrthei baroh kawei. Hynrei ngi tip ba ka jaidbynriew Israel ne Jiw ki la leh bym suidniew ia ki Hukum jong u Blei, ha ka jaka ban long ka jingkyrkhu, ka la long pynban ka jingtim. Ki la jied ia ka jingtim. Deuteronomi 28:1-68. Kumta ka jingtim ka la wan ha ki, da kaba u Blei u la pynshitom bad pynsakma ia ki sha kylleng ki ri ka pyrthei, kum sha Egypt bad sha Babilon etc ter ter haduh ki snem 1939 – 1945 A.D. Dei hadien kine ki snem ba u Blei u la pyndep ia ka kular ban lum pat ia ki Jiw “Kat ba im u Trai, uba la wallam noh bad uba la ialam ia u symbai ki iing Israel na ka Ri shatei bad na ki Ri baroh sha kiba nga la beh noh ia ki: bad kin ioh shong ha la ka jong ka ri (Ri Israel). Jeremaiah 23:8.

Kine ki long kita ki Israel ba la wan na kata ka bynta ba dang sah ha u snem 1948 A.D. Ia ki la pynjot thiaw da u Adolf Hitler ha ki snem 1939 – 1945 A.D., ka thma bah pyrthei ba Ar.” Namar ha khmih ki sngi ki wan ong u Trai ba ngan pynphai ia ka jinglong mraw u paidlang jong nga, ki Israel bad ki Judah ong u Trai. Bad ngan pynphai pat ia ki sha ki ri ba nga la ai ha ki kpa jong ki bad kin ioh ia ka” Jeremaiah 30:3. “Ngan ialum ia phi napdeng ki kynja bynriew bad ngan kynshew noh ia phi na kita ki ri sha kiba la pynsakma ia phi, BAD NGAN AI IA PHI IA KA RI ISRAEL” Esekial 11:17. La pyndep ia kane ka jingiathuhlypa lyngba u Prophet Esekial ha ka snem 1948 AD haduh mynta.

U Blei u la siewspah ia ki Israel na ka jinglong mraw ha ka doh, u la pyllait ia ki kum ki mraw hadien ki snem 1945 AD. U la lum ia ki ban ialeh thma ban pyndep ia ka jingiathuhlypa ka ktien u Blei kaba ong – “Pha long u sdie iapom bad ki atiar ialehthma jong Nga, da pha Ngan pynlwet ia ki jaidbynriew, da pha Ngan pynjot ia ki hima” Jeremaiah 51:20. Mynta ki Israel (Jiw) ki long ka Tiar Thma. “Naba u Trai u la wan i ia la ka kynhun ka iing Judah, un pyllong ia ki kum u kulai baitynnad ha ka thma ….. ki long kum ki rangbah bakhlain KI DA IUHROIT IA A KI NONGSHUN ha ka ktieh ki lynti shnong ha ka thma; te kin ialeh namar u Trai u don lem bad ki, bad kita kiba shong halor kulai (tiar thma) kin duh buit” Sekharaiah 10:5.
Kumta, la tei pat ia ka Israel naduh 1948 AD. Ki jaka kynjah ri khlaw ki la dap briew bad sei soh. Ong u Blei – “Ha ka sngi ba ngan pynkhuid ia phi na ki jingleh bym hok jong phi baroh. Ngan pynshong briew ha ki Nongbah, ia ki jaka kynja un tei pat” Esekial 36:33-34. La pyndep ia kane mynta.

Ki Israel, ki la roi parum pareh. Ki la long kiba riewspah ha ki liang baroh ym lah ban jer hangne namar ba u Blei u la kren bad un pyndeia la ka ktien bad kan ym leit thylli. Isaiah 54:11.

Hynrei ki don sawdong tang ki nongshun ki ri Arab Muslim sawdong jong ki ki bishni ia ki bad ki hap ban ialeh ia ka thma barabor. Ki Israel mynta ki don hapdeng ka thma bakham jur na ka daw ki lehnoh Hamas bad Hesbolah ba la kynshoit da ki ri kiba isih jaidbynrew Israel. Ki ri kiba na shatei bad ki ri kiba don sawdong jong ka ri Israel ha Middle East. Ia kane ruh u Blei u la kren lypa da kaba ong “Ha kata ka sngi , haba ki briew jong Nga, ki Israel kin shongsuk, me men ym tip ia kata? Te men wan na ka jaka jong me na kaba kut shatei, mame bad kiba bun ki kynja bynriew ryngkat bad me maki baroh ki da shong ha ki kulai (erplen thma). U paid byllien bad ki shipai badonbor” Esekial 38:14-15. Mynta ka long tang ka jingsdang. Ki khun Israel mynta ki shongsuk, hynrei ki la phah ia ki lehnoh jong ki ban wan attack. La iohi lyngba ki Youtube channes ba ki Palestine ki da rah ia ki dur placard ia ka dur u Putin bad kim-jong-un. Kine ki dei ki Syiem ba na shatei jong ka Israel kynthup ia ki Arab Myslim ia kaba ka Bible ka ong – “ki kynja bynriew”.Kumta ka por ka ban sa wan, ka ong ka por jong ki thma ba shyrkhei ha kane ka pateng. Namar mynta ki nongshun ki la peit thuh bad syntiat bha ia ka ri Israel – “Ka khmat u Blei” Sekharaiah 2:8.
Kumta kiei kiei ba ka Bible ka kren la pyndep bad nang iai pyndep. Hadien ka thma bajur bad ka Israel, ka Israel kan sa ioh ban pynieng ia ka Temple kaba Lai (Third Temple) kan don ka Peace Treaty bad ka Israel.