Ban kyntiew ia ka shang suwari, iakren U bah Paul sha Karnataka

Shillong:U Myntri ba dei peit ia ka tnat Shangsuwari ka sorkar Meghalaya u Bah Paul Lyngdoh, u la ïakynduh ïa u Symbud Myntri Rangbah ka jylla Karnataka u D.K Shivakumar ha Ïing sah jong u ha Bengalaru, ban ïakren kumno ba kyntiew ïa ki kam shangsuwari hapdeng kine ki ar tylli ki jylla.

Ha ka X, u Symbud Myntri Rangbah ka jylla Karnataka, u la ong ba ha kane ka jingïakynduh, ki la ïakren shibun ki phang kiba ktah ïa ka dong ka thaiñ bad kumjuh ha kaba ïadei bad kiwei ki bynta kiba ktah ruh ïa ka pyrthei.

Ha kane ka jingïakynduh la pdiang burom ïa u Bah Paul da ka riam tynrai jong katei ka thaiñ bad ka jylla.
Ka jingleit jong u Bah Paul sha katei ka jylla, la sngewthuh ba ki la ïakren ruh ïa ka jingdon ki briew na kane ka jylla Meghalaya kiba pule bad kiba trei bun bah ki kam khamtam hapoh ka nongbah Bengalaru, naba katei ka jylla bad jaka kan don ka jingshngaiñ.