Guwahati:Ka sorkar jong ka jylla Assam, lyngba ka jingpynbna kaba ka la pyllait paidbah dang shen ka la khang pyrshah ia kino kino ki nongtrei sorkar ha jylla Assam ba kin iathoh shongkurim ha ka sien kaba ar.
Katkum ka kyndon 26 of Assam Civil Service (conduct)Rule 1965, ba yn ym shah ia kino kino ki nongtrei sorkar ba kin iathoh shongkurim katba ka lok jong ki ka dang don khlem da ioh jingbit na ka sorkar jylla, ka jingshong kha ba kum kane ka dei ka kam shimet.
Ia kane ka notis la pynmih da u Additional Chief Secretary jong ka sorkar jylla ka Assam u Niraj Verma.
Ki nongtrei sorkar kynthei, yn ym shah satia ba kin shongkurim ia u wei pat u briew, katba u lok jong ki, u dang don bad khlem ka jingbit na ka sorkar jylla.
Ka tnat ba dei khmih ka dei ban peit ia ka rukom pyniaid kam katkum ka Assam service (Decipline & Appeal ) 1964, ha kaba kino kino kiba pynkheiñ kin ngat ha ka jing pynshitom kynthup ban pynshongthait noh namar kan dei ka jingialam bakla ia ki paidbah ki nongtreikam sorkar kiba don bynta haka imlang sahlang.
Nalor ka jingpyniaid ia ka kam ka tnad ba dei khmih ka dei ruh ban peit ia ki kyndon ain kiba kumno yn pynngat ia kitei ki briew katkum ki kyndon aiñ ha ki bynta, kane kan treikam noh tang hadien ba la pynmih ia ka notis.
Very good sngewtynnnad bha ia ka jingstad jong ki nongthaw ain Assam