“Wat ka Hema Malini ruh ka hap shad” ba la jubor palat ki kam pynroi, ong u myntri jylla

Bhopal: U Narottam Mishra, MLA jong ka seng Bharatiya Janata Party MLA bad uba dei ruh, u myntri kam poh iing ka sorkar Madhya Pradesh, ula shah kynthah tyngeh, namar ka jingkren shaitnait jongu, ia ka Hema Malini, kaba dei ka MP jong ka seng BJP.

U Mishra, haba kren ha ka jingialang paidbah ha Datia, ula ong, ba ki kam pynroi, ki la jubor bha ha Datia, ha kaba ki la bun ki prokram pyni rong, kiba la ju pynlong ban leh burom ia katei ka jingroi jong ka thain, ha kaba la ju pynshad ruh, wat ia ka Hema Malini, da ka jingsngewkmen palat, na bynta kitei ki kam pynroi.

Halor kitei ki jingkren, na ka liang jong ka seng Janata Dal (United), ka la kynthah, da kaba ong “Peit ia ka jingkhlem rain jong ki nongialam BJP, ha kaba U Narottam Mishra, ula kren pynjah burom, wat ia la jong ka MP, ka Hema Malini”.