Seisoh ka jingiakren bad ki nongialam MEPA, ong U bah Ardent

Shillong: U President ba rangbah jong ka Voice of the People Party (VPP) u bah Ardent Miller Basaiawmoit, u la pynshai paidbah, ha kaba iadei bad ka jingpan jingshai jong ka Shillong Press Club kiba la dawa ban panmab haba iadei bad ka jingkren jong u ha ka jingialang paidbah ha Pynursla.

Hadien ka jing kynduh bad ka kyn hun jong ka Meghalaya Editor Publishers Association (MEPA) u bah Ardent M Basaiawmoit, u la ong ba ka jingkren jong u bad ka MEPA ka long kaba seisoh namar ba u la pynshai ba ka jingkren ka jong u ha Pynursla kam dei satia ban kynnoh ia kino kino ki lad pathai khubor, hynrei ka long beit ban pynshai ia ki paidbah ba kin ioh jingshai.

U bah Basaiaw moit ruh u la ong ba ruh ba ka jingiarap jong ki lad pathai khubor ka long ban iatei, namar ki lad pathai khubor ki don ka kamram ba kongsan ha ka imlang sahlang.
U la ong ruh ba ka jingkren jong u kam dei satia ban kdew ia kino kino ki tyllong khubor, hynrei ka dei beit ban wanrah jingshai ia ki paidbah.

U la ong ruh ba ki lad pathai khubor kam dei satia ban ialam bakla ia ki paidbah ne ki khubor ba bakla.
U la pynkynmaw ruh ba ha ki snem ba mynshwa u la kren ba ki paidbah ki dei ban husiar, khnang ba ki paidbah kin ym shah ban ialam bakla bad ki paidbah kiba sngap bad pule ki dei pat ban pynshong nongrim.

U bah ardent Miller Basaiawmoit, u la ong ruh ba kum u wei na ki nongialam u ba sngewkhia bha ia kito ki paralok kiba don ha ki lad pathai khubor, ha kaba u la rah arsien hapoh ïingdorbar thawaiñ ban iakren ia ka jingeh jong ki nongthoh khubor ha ka jylla.