Aizawl:U Myntri Rang bah jong ka jylla Mizoram u Zoramthanga, u la ong ba un ym ïeng rynsan lang bad u myntri rangbah duh jong ka ri u Narendra Modi ha ka jingwan jong u sha jylla Mizoram ban ialap elekshon ia ki kyrtong jong ka parti BJP.
U Modi un leit iuh kjat sha jylla Mizo ram, ha sor Momit ki bynta shatei jong ka jylla Mizoram ha ka 30 tarik u bnai risaw ban ialap elekshon ia ki kyrtong jong ka parti BJP.
Ha ka jingia kren bad ka BBC News, ha kaba u Zoramthanga u la ong ba ki paidbah nong shong shnong jong ka jylla Mizoram baroh ki dei ki Kristan, ha ka por ba ki paidbah jong ka jylla manipur kiba dei ki Meitei ki la wiang ding ia ki spah tylli ki ïingmane ha jylla Manipur,ki jait byn riew Mizo ki pyrshah jur ia kane, ban don bad ka BJP kum ha kane ka por kan ktah jur ia ka parti.
Phi don ban ong eiei?