Mih ryntih ha ka proseshon, ong ki 2 DS

Shillong, 15 Risaw:
Ka Executive Committee jong ka Synjuk Ki Dorbar Shnong ka Pynthorumkhrah bad ka Mawpat kaba la long mynta ka sngi ka la shim ia ki rai ban kyrshan tyngeh ia ka proseshon bah kaba ka Synjuk ki nongsynshar Shnong ka Bri u Hynniewtrep ki la khot ha ka 30 tarik mynta bnai ka ban sdang naduh ka por 11 baje mynstep na Lower Lachumiere jan ophis ka DIPR . Ka la kyntu ru ban ia mih paidbah ha katei ka sngi khnang ban pynpaw ia ka jingpyrshah ia ka sorkar, ka la khot naduh ki rangbah, ki samla , ki longkmie ban ia poi sha katei ka proseshon. Kane ka long katkum ka kyrwoh na u bah K.Ryntathiang.