Shillong:Ki pulit ka tnad Excise ryngkat bad ka HNYF Nongthymmai Unit, ki la khynra bad ban kem ia ki kyiad bad jingdih buaid na ka thain Happy Valley ha ka janmiet jong ka 19 tarik Risaw 2023. Ha kane ka jing khynra kynsan, la pynkyndit ia ki men dih kiba dang muja ka jingiadih sngewbha ha ki dukan beain.
Ha kane ka jingleit khynra, ki la ioh ban kurup ia ki kyiad beain na ki dukan jong ki bar jylla kiba la die sha ki briew bad na ki dukan jongki, la lap ruh ba ki dang don ki katto katne ngut ki briew kiba dang sngewbha ha ka jingiadih sngewbha bad ki kyndit hadien ba la rung kynsan ki briew ka Excise.
Na ka liang ki pulit ka tnad excise ki la pyntip ba ha ka jingkynra ki la ioh ban kem ia saw ngut ki briew kiba donkti ha kane ka kam bad ki la ioh ban kurup ia ki kyiad saw kumba 7 litre, ki beer kiba 650 ml kawei la ioh kurup 23 litre, ki beer can la ioh kurup kumba 13 can kumba 7 liter shiteng bad ia kine ki jingdih ba la ioh kurup yn sa aiti ha ka iingbishar bad ia kine ki sawngut yn shah khot hajir ha iingbishar.
Na ka liang ki nongialam ka HNYF ki la iathuh ba ki bun ki dukan ha kane ka jaka kiba ju die beain ia ki jingdih buaid hynrei mar ia sdang ki jingkhynra ki bun kiba khang noh bad na ka liang ka seng kan sa iaid shakhmat ban kem ia kine ki bar jylla.
Phi don ban ong eiei?