Pynkiew dor ka sorkar ia ka Shini sha ka T.6.50

Shillong, 15 Risaw:
Tang hapoh shi snem ka sorkar jylla  ka la pynkiew ia ka dor jong ka shini rashon sha ka T. 6.50 P tang hapoh u snem 2014-15 .
Kat kum ka ain wad jingtip paidbah (RTI) ba la ioh na ophis jong u Deputy Commissioner Supply ka East Khasi Hillls, la pyni ba tang hapoh shi snem ka sorkar ka la pynkiew ia ka dor jong ka shini sha ka T6.50p.
Hynrei ha kane ka ain wad jingtip ka RTI, ym shym la pyni kaei ka daw ba ka sorkar ka pynkiew ia ka dor jong ka shini.
Shuh shuh, la  kdew ruh ba ia kine ki shini la song da ki supplier bad la sei tang na kawei ka kudam MECOFED ba don ha Mawlai Mawiong da ki FPS bad ki wholeseller ba la thung hi da ka sorkar.
Na bynta kine ki nongsam ia ka shini, ka komishon ba ka sorkar ka ai sha ki ka long  na byta ki Fair Price Shop ka komishon ka long 50 tyngka shi kwintal bad ia ki wholeseller ka komishon ka iaid katkum ka jingai na ka MECOFED Godown ha ka dor T. 1.30 shi km haduh ka jaka ba don ka kudam jong ki.Lah ban kdew ba ka sorkar pdeng ka la pyntreikam ia ka rukom sam shini thymmai naduh mynshem snem u 2014. Ia kane ka shini rashon ka sorkar la sam sha man la kawei pa kawei ka longiing ha kane ka jylla.Katkum ka ain wad jingtip, la kdew ba ki la sei shini shisien shibnai na ka kudam MECOFED Meghalaya Mawlai Mawiong tang lai kilo shisien ha ka shi bnai.Hynrei la kdew pat ba ia ka shini rashon la sam lai kilo sha man kawei pa kawei ka longiing bad ka dor jong ka shini ka long T.20 shi kilo. La pyni ba ha u snem 2014 ka dor jong ka shini ka long T.13.50p shi kilo bad ha u 2015 ka long T.20 shi kilo.Ia kane ka dor shini la bei ka sorkar pdeng T.18.50p shi kilo bad ka sorkar jylla ka la bei T.4.77p shi kilo.