Khur namjop ka Shillong United FC, haba sdang ka phutbol ka FKJGP

Nongpoh:Ka Shillong United ka la ioh ban khur ia ka namjop ha ka lympung ialehkai jong ka FKJGP Pahamsyiem Unit, kaba la long ha madan ialehkai ka NSCA Pahamsyiem, kata hadien ba ki la lah ban pynliem noh pyrshah ia ka kynhun ialehkai ka Ri Bhoi Police ha ka Tie Breaker da 5-4.

Ka jingialehkai ha katei ka sngi, ka long ba ha baroh ki arkylla jong ka jingiakhun, ka la kut noh ha ka jingiakhiad kaba 1-1, hynrei haba ki nongpyniaid jong katei ka jingialehkai, ki la rah noh sha ka Tie Breaker, ka Shillong United FC ka la pynliem noh ia ka Ri Bhoi Police.

Ka jingpynlong jo ng ka FKJGP Paham syiem Unit ia katei ka lympung ialehkai, ka long ruh kum shibynta ban rakhe ia ka jingdap ba shisnem pura jong katei ka Unit, kaba la pynskhem ha u snem 2022.
Ia katei ka lympung ialehkai, la wan ban plie da u bah Luistar Lyngdoh President ka FKJGP-NKHD, ha ryngkat ka jingdon u Bah Ricky Majaw, President Ka FKJ GP Nongpoh Circle, u Bah Jetwin Lyngdoh Rangbah Shnong Pahamsyiem lem bad kiwei.