Shillong:U myntri ka tnad pule puthi ka jylla u Rakkam A Sangma, u la pyntip, ba ka sorkar ka la pyllait lypa ia ka tulop jong baroh ki nong hikai skul haduh u bnai Nohprah mynta u snem.
Kane ka jingpyllait lypa ia ka tulop jong ki nonghikai, ka dei ia baroh ki jait skul kynthup ia ki nong hikai SSA.
Nalor kane, u myntri u la iathuh ba la pyllait ruh ia ka bai burom ia ki nongshet ja skul na ka pisa kaba la ioh pdiang na bynta ka Mid-Day Meal (MDM) Scheme kaba la ai kyrteng thymmai kum ka PM-POSHAN.
“Ka sorkar pde ng kam pat pyllait ia ka pisa ba nyngkong (instalment) jong ki nonghikai SSA bad ka sorkar jylla ka dang iakren”, u la ong.
Hynrei u la ong ba ka sorkar jylla ka la nang pyllait shwa na pla lajong. “Ngin pyllait ar bnai ka tulop iaki SSA na ka pla ka sorkar jylla bad, la ioh pdiang ruh ia ka pisa na bynta ka Mid-Day Meal (MDM) Scheme kaba la ai kyrteng thymmai kum ka PM-POSHAN bad la pyllait sha kai nonghet ja skul”, u la bynrap.
Ha kajuh ka por, u la ong ba ka sorkar jylla ka la dep pyllait ruh ia baroh ka pisa ban siew ia ka tulop na bynta baroh ki skul ban siew haduh u Nohprah 2023. “Ka sorkar ka shim khia bha ia ki nonghikai ban pynthikna ba kin ioh ia ka tulop ha ka por kaba biang”, u la ong.
balei pat kam pyllait noh mynta ki bnai ba ki nonghikai ruh ki donkam bn siew bai skul,bai exam ,balei kam shaniah bn ai lpa kam iahap ka ktien bd ka kam