Tel Aviv: Ka Israel, mynta ka sngi, ka kren shai, ba kan khang syndon sbak, ia ka jingshalan ia ka bam ka dih bad kumjuh ia ka umphniang sha Gaza. Ka Gaza, ka don mynta, ha ka jingshong dum, hadien ba la ot noh ia ka ding ilektrik, kaba leit sha katei ka thain, naduh ka Sngi Saitjain ba ladep. Mynta ka Israel, ka la pynmih, sa ka hukum, kaba tyngeh bad kata ka long, ba kan nym ai ding, yn nym ai jingbam shuh, yn nym don umphniang kali shuh, sha katei ka thain.
U Yoav Gallant, myntri iada ri jong ka Israel, ula kren shai mynta ka sngi, da kaba ong “Nga la hukum, ban khang syndn sbak ia ka ding ilektrik, ia ka bam bad ka umphniang kali ruh. Ngi ialeh thma pyrshah, ia ki briew, ba long kum ki mrad bad ngi leh ruh kumta hi”.
Ka Israel bad ka Egypt, ki la khang lynti, ha ki bun bun rukom, ha ka leit ka wan sha Gaza, naduh ba ki Hamas, ki la shimti ia ka jingsynshar ia katei ka thain, na ki Palestine ha u snem 2007.
kadei ban leh kumta khnang ban sngewthuh