Ki tnad sorkar, ki dei ban pyndonkam ia ka pisa ba la mang

Shillong, 13 Risaw:
U myntri sorkar pdeng uba la wan jngoh ar sngi ia kane ka jylla ha ka jingiakynduh jong u bad ki heh jong ki tnad sorkar bapher bapher ha kane ka jylla kaba la long mynta ka sngi ha ryngkat ka jingdon lang ka myntri ka tnad Social Welfare, Animal Husbandry & Veterinary, ka Deborah C Marak bad u Additional Chief Secretary, Meghalaya, K S Kropha. Ha katei ka jingialang u la ong ba donkam ban pyndonkam hok shuwa ia ka pisa kaba la mang kyrpang ia ki tnad bapher bapher , u la ong ba u la hukum baroh ki tnad ki bym pat pynlut ia ka pisa jong ki ki dei ban pyntreikam noh khlem dab uh por shuh.
U la pynshai ruh halor ka jingmih khubor ha kine ki sngi bad u la ong ba ka dei ka jingsngewthuh bakla ki nongthohkhubor ha kaba iadei bad ka elekshon MDc ha GHADC ha kaba u la ong ba um shym la kren eiei ia ka hok the vote ki riewlum ne ki bym dei riewlum ha ADC hynrei u la ong ba kano kano ka seat la ha Parliament, Assembly ne District council ia ka hok kaba dei ka bynta ki riewlum ym dei ban ai sha ki bym dei riewlum bad u la pynshai ba um shym la ong ba ym dei ban shah thep vote ia ki bym dei riewlum.