Leit shim bynta ka kynhun ki thei ka jylla, sha ka BCCI’s Women’s U-19 One Day Trophy ha Surat

Shillong:Hynnin ka sngi ka Meghalaya Cricket Association ha ka jingdon ryngkat u President ka MCA u Shri Naba Bhatta charjee, Secretary Shri Gideon Kharkongor, Tre asurer Shri Dhrubajyoti Thakuria bad u Member ka Apex Council u Shri Peter Macdonald Kharsawian, ki la phah da ka jingkitbok kit rwiang ia ka kynhun ki thei ialehkai ka jylla sha Surat na ka bynta ka jingiashim bynta ha ka BCCI’s Women’s U-19 One Day Trophy ka ban sdang naduh ka 8 tarik Risaw.

Ha shuwa ban mih na la ka jylla, katei ka kynhun kaba kynthup ia 15 ngut ki nongialehkai ha ryngkat bad ki support staff ka la ioh ka jingai mynsiem bad ki ktien kyrkhu kyrdoh na kitei ki heh ka MCA bad ha kajuh ka por la jied ruh ia ka Ankita Sharma kum ka Captain bad ia ka Dubleen Nengnong kum ka Vice captain jong ka kynhun.

Ha katei ka lympung ka Meghalaya kan ioh ban iakhun bad ki kynhun kiba kham paw kum ka Tamil Nadu bad ka Maharashtra, hynrei u Bhattacharjee u la pynshlur ia katei ka kynhun jong ka jylla ba kim dei ban don ka jingartatien bad ai ia kaba bha ha katei ka lympung.

Ka kynhun jong ka Meghalaya ka kynthup ia ka Dianchidora N Sang ma, Dubleen D Nengnong, Indariakor Kharwanniang, Fennysha Nongrum, Ankita Sharma, Kambesa Agitok, Abiezer Khar syiem, Janicka R Marak, Monica Singh, Emisakani Warjri, Rik manchi M Sangma, Jayshree Singh, Awesa G Momin, Jaylynn R Marak, Natasha Rabha. Ki nongialehkai kiba la buh pynkhreh ki long ka Julitha Marak, Sistilin Ryntathiang, Banrikmen Lyngdoh, Marme M Sangma.

Ki Support Staff: Ranjana Yadav (head coach), Marty Mustafa (assistant coach), Helyna D Sangma (trainer), Lucky Mary Marbaniang (phy sio), Baiahun Mylliem ngap (manager).
Ki kynhun bad ki sngi ia kaba ka Meghalaya kan ioh ban iakhun ki long kumne harum: Meghalaya vs Vidarbha, 8 Risaw; Meghalaya vs Pondi cherry, 10 Risaw; Meghalaya vs Manipur, 12 Risaw; Meghalaya vs Tamil Nadu, 14 Risaw; Meghalaya vs Maharashtra, 16 Risaw.