La lap na wah, ia ka metiap, jong ka samla kaba jah

Shillong: Hynnin ka miet jong ka 3 tarik u Risaw 2023, haba ioh ban iakren lyngba ka phone, ia u kñi trai jong kane ka samla ba la jah na iing, u la iathuh ba ia ka met iap jong kane ka samla la lap da ki nongkhwai doh hynnin ka sngi nyngkong ka 2 tarik u Risaw ha ka por kumba 3 baje nohphai sngi.

U kñi trai jong kane ka samla u la pynthikna ba ka dei ka samla ba la jah na iing naduh ka 20 tarik u nailur, ia kaba la tip kyrteng ka samla Phibankyntiew Sun bad la lap na ka wah kaba don ha ka thaiñ traw. U la ong ruh ba ia ka met la lap na ka jaka kaba kham long kyndong.

Ia ka met iap jong kane ka samla la shimti noh da ki pulit ka Mawngap police station bad mynta la rah noh sha civil hospital ban leh ia jingdonkam.

Haba kylli pat ia u shynrang u ba la jah lang bad kane ka samla u ne u kni u la iathuh ba kim tip la kiba ha iing ha sem une u shynrang ki dang wad ne em, namar ki hap la ka jong ka shnong bad une u samla.