![](https://www.urupang.com/wp-content/uploads/2023/10/DSC00679-2.jpg)
Nongpoh: Shibynta ban wanrah ia ka jingiatylli hapdeng ki samla pule Khasi kiba pule ha Regional Institute of Science & Technology (RIST) lem bad ki samla kiba pule ha University of Science & Technology Meghalaya (USTM), ka KSU RIST-USTM unit, mynhynnin ka sngi ki la pynlong ia ka jingiakynduhlang hapdeng ki samla Khasi kiba dang shu leit pule thymmai hapoh kitei ki jaka pule.
Ha katei ka sngi, ba ka KSU RIST-USTM unit, ka la pynlong ia katei ka jingiakynduhlang, la sakhi da ka jingdon ki nongialam na KSU Sengkmie bad KSU na Ri Bhoi, kiba kynthup ia u samla Pynkmen Sanmiet, Education Secretary KSU Sengkmie, nangta u Samla Ferdynald Kharkamni, Persident KSU NKHD, u Samla James Hitlar Mawphniang, General Secretary ka KSU-NKHD, u samla Toning Lapang Secretary Education cells KSU NKHD lem bad kiwei.
Lyngba jong katei ka jingkynduhlang hapdeng ki samla kiba pule ha katei ka skulbah, ka KSU sengkmie ka la ioh ruh ban pynskhem ia ki nongialam ba thymmai jong ka KSU RIST-USTM Unit na bynta ka samoi treikam jong u snem 2023-24, ia kaba la pyntian smai da u samla Pynskhem Samit da u Education Secretary Sengkmie.
Phi don ban ong eiei?