Ngam don iing ialade, hynrei ki lak ngut ki khun kynthei, ki la ioh iing, ong U Modi

U Narendra Modi, myntri rangbahduh ka India, ula ong hynnin ka sngi, ba u te ialade, um don iing, hynrei, ki don da ki lak ngut ki khun kynthei, ha ka Ri, kiba la don la ki jong ki iing, ba kin shong kin sah, lyngba ki skhim jong ka sorkar India.

Ki don da ki klur ki kynthei, kiba dei ki tribal, ki Scheduled Caste bad ki jaitbynriew, kiba dang sahdien, ki la dei mynta, ki dap lak, namar ba ki don ia ki iing sah jongki, lyngba ki skhim jong ka sorkar India.

U Modi, uba don ha jingleit ba ar sngi ha Gujarat, u iathuh ba ka sorkar India, ka la dep tei mynta ia ki 4 klur tylli ki iingshong, ha kylleng ka India. “Ngi trei ia ka bynta ban ai burom ia ki duk ki rangli, ba kin don ia ka iing sah ka jongki. Ngi thaw ia ki iing, katba kum ka jingdonkam ki rit paid (tribal) bad kata ruh, kaba khlem da don bynta, da ki kontraktor. Ki don da ki lak tylli ki iing, kiba la dep tei bad ba la ai kyrteng ha ki kynthei. Wat la ialade ngam don iing satia, hynrei ka sorkar jylla, ka la thaw, da ki lak tylli ki iing, ia ki khun kynthei jongngi, ba kin don la ki iing shong iing sah”.